فوازير المناسبات - كلمات تتر النهاية

حت و تت ف أمرك بت
واعرف إيه هي مناسبت
تلاتين حلقة
خمسة في ستة بتلاتين يوم و حت
فكها حلها
و ان معرفتش ابقى اسبلها
و إذا عرفتها قل له و قل لها
يلا اكتب سجل واثبت
حت وتت ف أمرك بت
يالالا لالي لالالا لالي لا لالي
الدنيا حلوة فللي
نضحك لها تضحك لنا
و نقول لها و تقول لنا
مرحب يا هلي يا هلي يا هلي
يا لالالي
-----------
كدا هتعدي كدا كدا كدا هو
وتجيبلنا أحلى ما تودي و تحلى و تنجلي
يا لا لالي
اضحك خليك متفائل
و هون المسائل
البحر في يوم يتجمد
و في لحظة بيرجع سائل
و الدنيا تبقى فريش و فت
وحت وتت ف أمرك بت
وعند واحد عدس
يرحمكم الله
-----------
حا حا حل الفوازير
وعرفت ازاي حل الفوازير
قبل التأليف قبل التصوير
و جايبها منين ؟
من يحيى وهالة و صابرين
آهو دا خبر
اكتبه مانشيت
-----------
انت وهو وهي
في مناسبات متوالية
للمعلومات و التسلية
مهيش امتحانات للترقية
ولا محتاجة لتوصية
تلاتين مناسبة ماهي ؟
والفوز نصيب و ف علم الغيب
يجعل لك حظ انت وهي
تبقى الجايزة أحلى مناسبت
لجواز الواد وجهاز البت
حت تت تت ف أمرك بت

كلمات | عبد السلام أمين
ألحان حلمي بكر